《易經》．第十八卦 【蠱】山風蠱 艮上巽下
蠱 ：元亨，利涉大川。先甲三日，后甲三日。
彖曰：蠱，剛上而柔下，巽而止，蠱。蠱，元．亨，而天下治也。
利涉大川，往有事也。先甲三日，后甲三日，終則有始，天行也。
象曰：山下有風，蠱﹔君子以振民育德。
初六：幹父之蠱，有子，考無咎，厲．終吉。
象曰：幹父之蠱，意承考也。
九二：幹母之蠱，不可貞。
象曰：幹母之蠱，得中道也。
九三：幹父之蠱，小有晦，無大咎。
象曰：幹父之蠱，終無咎也。
六四：裕父之蠱，往見吝。
象曰：裕父之蠱，往未得也。
六五：幹父之蠱，用譽。
象曰：幹父之蠱﹔承以德也。
上九：不事王侯，高尚其事。
象曰：不事王侯，志可則也。
第十八卦 山風蠱 講議篇
問前程：就一定困難重重，呢度的重重係講積習，如果要無問題都得，就係將Ｄ問題立刻解決，例如有一句名言：就係唔好俾Ｄ文件經過隻手兩次。
問婚姻：表示好多小問題積聚變成大問題，呢個卦象係山下有風，風受山阻，不通之象，所以無論結咗婚或者未結婚都要多溝通。
問事業：做老闆的就表示有問題要立刻處理，同要把握時機，時間性好緊要，所謂先甲，後甲。如果打工的，有唔滿意的一係就離開，一係就要提出改革，唔好積，積積埋埋就有問題。
初六：
問前程：就表示無得舒服，無論係公司或者家庭，都要小心內部的問題。
問婚姻：有問題都係上下兩代的問題，最主要就係唔溝通，應該係女人的問題，例如婆媳問題，因為係陰爻的關係。
問事業：就表示已經生蟲，要改亦唔容易，放棄好過。打工仔就表示在呢個機構已經無發展空間，所以有咁快走咁快。
九二：
問前程：就要留意跟個老細係男定女，如果係男的就一定好多問題，好多棘手的問題，如果係女的就雖然唔會有乜野大計大發展，但係就好平穩，因為孔子話幹母得中也。
問婚姻：聽老母話就好過聽老豆話，同時有問題出現就唔好請教男人，問結婚就好，問離婚如果女人的主意就一定離得成。
問事業：可以合作，有得揀就最好揀女人，要請人就請多Ｄ女人，因為呢度係陰卦的中位，所以女性得中，唔會太差。打工就主張唔郁。
九三：
問前程：就表示付出多收獲小，唔係多勞多得，唔成正比。
問婚姻：問結婚就困難重重，但係最終都會成功的，問離婚就唔符合爻義，因為咁辛苦都係為咗做成功一件事，所以問離婚就應該唔成功。
問事業：創業就唔好勒，因為打到江山都未必係好的。同時嚟問卦的人亦都未必真有材幹，因為守業已經一身汗，重學人講創業。打工就唔主張跳槽。
六四：
問前程：就表示以前的作風，態度唔果作風唔改，前途就真係唔樂觀。
，就一定要轉變，唔好再用番以前嗰一套。如
問婚姻：Ｄ問題越嚟越多，離婚就一定離得成，問結婚就未到時候，因為重有好多問題未解決。
問事業：執笠就好，因為已經生晒虫，創業就唔好。打工就要有心理準備，老細會走路。
六五：
問前程：就要低調，千祈唔好爭住居功。
問婚姻：就一定要以對方為重。
問事業：就一定要不畏難。打工就唔主張轉工。
上九：
問前程：就真係無乜，因為呢個人唔識變通，一味死牛一邊頸。處世之道只不過係大家開心啫，如果一味我行我素就大家都無癮，如果大條道理講理想就更加攪笑。
問婚姻：就要實際Ｄ，如果對方認為自己好有大志，滿口理想，懶高尚，懶有骨氣的人，千祈唔好揀佢，問結婚就好，問離婚就唔啱個爻義，因為離婚會俾人指指點點，呢一
爻係話唔會做Ｄ俾人講閒話的事，所以問離婚係唔成功。
問事業：就一定要腳踏實地，樣樣都要講實際。打工就主張轉工。
因篇幅问题不能全部显示，请点此查看更多更全内容